នៅក្នុងកិច្ចខិតខំប្រឹងប្រែងរួមគ្នាដើម្បីកសាងភាពធន់នឹងអាកាសធាតុ និងកាត់បន្ថយថ្លៃដើមផលិតកម្មសម្រាប់កសិករ សមាគមស្វាយចន្ទីកម្ពុជា (សសក) បានបើកសិក្ខាសាលាជាបន្តបន្ទាប់ ដែលផ្តោតលើកសិកម្មឆ្លាតវៃ និងការកែលម្អបច្ចេកទេសកសិកម្ម។ សសក បានសហការជាមួយក្រុមហ៊ុន Rhino Master Co.,Ltd (ស្រែមាស) ធ្វើសិក្ខាសាលានាថ្ងៃទី២៤ ខែសីហា ២០២៥។
រហូតមកដល់ពេលនេះ សិក្ខាសាលាចំនួនដប់ត្រូវបានធ្វើឡើងនៅខេត្តកសិកម្មសំខាន់ៗ ចំនួនបួនគឺ ខេត្តកំពង់ធំ ពីរនៅខេត្តរតនគិរី និងមួយនៅខេត្តក្រចេះ និងស្ទឹងត្រែង ដែលមានអ្នកចូលរួមជាង៩០០នាក់។
គោលបំណងចម្បងនៃសិក្ខាសាលាទាំងនេះ គឺដើម្បីបំពាក់បំប៉នកសិករនូវយុទ្ធសាស្ត្របង្កើនទិន្នផលដំណាំ ខណៈពេលដែលសម្របទៅនឹងបញ្ហាប្រឈមដែលបង្កឡើងដោយការប្រែប្រួលអាកាសធាតុ។ យោងតាមអ្នកជំនាញដែលដឹកនាំវគ្គនេះ ការរំពឹងទុក តម្លៃកសិកម្មខ្ពស់ជាប់លាប់ គឺមិនប្រាកដនិយមទេ។ ខណៈពេលដែលតម្លៃខ្ពស់គឺជាគោលដៅរបស់អ្នកផលិត ខណៈអ្នកប្រើប្រាស់ចូលចិត្តតម្លៃទាប។ ដូច្នេះផ្លូវឆ្ពោះទៅមុខប្រកបដោយនិរន្តរភាពបំផុត គឺការបង្កើនទិន្នផល។
លោក អួន ស៊ីឡុតប្រធានសមាគមស្វាយចន្ទីកម្ពុជា បានពន្យល់ថា “ការលក់ក្នុងតម្លៃខ្ពស់គឺមានន័យថាកាត់បន្ថយការប្រកួតប្រជែងទីផ្សារ។ ជំនួសឱ្យការពឹងផ្អែកលើកត្តាដែលមិនអាចទាយទុកជាមុនបាន ដូចជាដីមានជីជាតិ ឬអាកាសធាតុអំណោយផល កសិករត្រូវតែទទួលយកវិធីសាស្ត្រផលិតកម្មផ្អែកលើវិទ្យាសាស្ត្រ។”
កសិករត្រូវបានជំរុញឱ្យឈប់ពឹងផ្អែកតែលើធម្មជាតិ ហើយជំនួសមកវិញនូវការគ្រប់គ្រងដី និងដំណាំឱ្យបានត្រឹមត្រូវ។ យូរៗទៅ ជីជាតិដីនឹងបាត់បង់ ប្រសិនបើមិនបានថែទាំ ធ្វើឱ្យវាកាន់តែពិបាកក្នុងការរក្សាទិន្នផល។ លោក ជីវ វ៉ាន់ឌី អ្នកជំនាញខាងកសិកម្មបាននិយាយថា “យើងត្រូវថែរក្សាដីឱ្យបានច្រើន ដូចថែរក្សារុក្ខជាតិដែរ។ កសិកម្មឆ្លាតវៃ មានន័យថា ស្វែងយល់ពីអ្វីដែលកំពុងកើតឡើងនៅក្រោមដី ហើយផ្តល់ឱ្យដំណាំនូវអ្វីដែលវាត្រូវការ។”
ជាឧទាហរណ៍នៃការទទួលបាន ពីសិក្ខាសាលារួមមាន:
- ការប្រើប្រាស់ជី DAP នៅពេលដាំ (ដំណាំកំពុងលូតលាស់ថ្មី) ដើម្បីបង្កើតប្រព័ន្ធឫសរឹងមាំ។
- ការប្រើប្រាស់ជី NPK ក្នុងដំណាក់កាលលូតលាស់ និងប្រមូលផល ដើម្បីធានាបាននូវតុល្យភាពអាហារូបត្ថម្ភពេញមួយក្នុងដំណាក់កាលលូតលាស់របស់ដំណាំ។
- ការបង្កើតផែនការផលិតច្បាស់លាស់ ដូចជា ការកំណត់ទិន្នផលដែលរំពឹងទុកក្នុងមួយហិកតា និងការគណនាបរិមាណពិតប្រាកដនៃជី និងជីកំប៉ុសដែលត្រូវការ។
អ្នកជំនាញបានសង្កត់ធ្ងន់ថា ជាមួយនឹងការធ្វើផែនការត្រឹមត្រូវ និងធាតុចូលគ្រប់គ្រាន់ កសិករអាចបង្កើនទិន្នផលដោយមិនចាំបាច់បង្កើនថ្លៃដើម។ លោក ជីវ វ៉ាន់ឌី បានបន្តទៀតថា “ផ្ទៃដីផលិត ថ្លៃពលកម្ម ការគ្រប់គ្រងសត្វល្អិត និងការចំណាយលើការប្រមូលផលនៅតែដដែល។ ដោយគ្រាន់តែកែសម្រួលការប្រើប្រាស់ជី ដោយផ្អែកលើគោលដៅទិន្នផលកសិករអាចផលិតបានកាន់តែច្រើន ហើយនៅតែលក់ក្នុងតម្លៃប្រកួតប្រជែង”។
សិក្ខាសាលា ក៏បានណែនាំអំពីគោលគំនិតនៃកសិកម្មវៃឆ្លាតអាកាសធាតុ (កវអ) ដែលជាវិធីសាស្ត្រដែលបង្កើនផលិតភាព ខណៈពេលដែលកាត់បន្ថយផលប៉ះពាល់បរិស្ថាន។ កវអ រួមបញ្ចូលការអនុវត្តដូចជាប្រព័ន្ធធារាសាស្ត្រដែលមានប្រសិទ្ធភាពការប្រើប្រាស់ទឹក ពូជដំណាំដែលធន់នឹងអាកាសធាតុ និងការធ្វើសមាហរណកម្មឧបករណ៍ឌីជីថល ដើម្បីតាមដានការអនុវត្តកសិដ្ឋាន។
សសក គ្រោងនឹងបន្តកិច្ចខិតខំប្រឹងប្រែងផ្សព្វផ្សាយរបស់ខ្លួន ដោយមានគោលបំណងគាំទ្រកសិករកាន់តែច្រើន ក្នុងការទទួលយកការអនុវត្តកសិកម្មប្រកបដោយនិរន្តរភាព និងធន់នឹងអាកាសធាតុ។ តាមរយៈការចាប់យកការច្នៃប្រឌិត និងការធ្វើផែនការរយៈពេលវែង វិស័យស្វាយចន្ទីរបស់កម្ពុជាសង្ឃឹមថានឹងរីកចម្រើន ទោះបីជាបញ្ហាប្រឈមអាកាសធាតុកាន់តែធ្ងន់ធ្ងរក៏ដោយ។